Об событиях того времени в Хронике Литовской и Жмойтской:
О полоцкой свободности або Венеции Н О. Потом тежь мЂл сусЂдство c полочаны и границу прилеглую , которые в той час волно собЂ пановали и жадной зверхности над собою не мЂли, тылко 30 мужов c посродку речи посполитой своей на поточные справы судей и сенаторов прекладали П 57, а найболш Р 58 за знаком С звону великого, который впосрод мЂста был завЂшеный 59, где всЂ збиралися; там и o справах своих, и o потребах речи посполитое и держав своих радили 60, бо держали на той час землю Рускую сами мЂщане полоцкие и на килкадесять миль справуючи. Таковой ж Т на той час волности уживали псковяне, и новогородчаны 60А великие, которые были достали за несворою и незгодою, внутрными У 61 войнами Ф 62, забойством и мордерством княжат руских, гды один другого з панств выганяли и забияли. A татаре, гды половцов поразили, также 21
княжат руских немало побыли 83, a потом ФФ з Батием царем притягнули и остаток спустошили, зачим мЂста можнЂйшие руские — Новгород 64 Великий, Псков и Полоцко — без княжат почали волно собЂ жити и князства князей своих сами посЂли, взявши кшталт справованя речи посполитой от оных славных справ грецких афинеов и ляцедемонов Х 65, котрые то также судей 30 мужов преложоных над собою мЂли для ради Ц 66 справ речи посполитой, бо в оний 67 час в НовгородЂ, Полоцку и Пско†всие Ч 68—69 справы грецкие бывали: митрополиты 70, владыки, архимандриты, котрых завше присылал тут патриарха царигородский Ш. A так тыи то грекове той обычай справованя речи посполитой внесли были афинскии71.О взятю Полоцка през Мигайла княжати. Року 1265. Князь Микгайло 72, пануючи на отчистых своих князствах, a панове полоччане 73, уфаючи в своей волности Щ; сусЂдов на войну вызывати почали, которой сваволи не могучи болш терпЂти князь новгородский Микгайло Радивиловичь 73 А взявся за кривду подданных своих и, зобравши войско свое з руси и литвы тягнул просто до Полоцка, хотячи гордость полоччан Ъ смирити Ы. Учувши то, полоччане зараз казали ударити в звон, зачим все посполство зараз зобралося c посаду и волостей околничих 74, также тежь 74 А и з инших держав своих, котрые перед тым л.456. до князства Полоцкого 75 приналежали, и згромадили люду около тисячий дватцети 75 А. Который люд ушиковавши оныи 30 мужов або сенаторов вышли противко Микгайла c Полоцка, и положилися обозом Ь под городом замку своего. A Мигайло 76, справившися Ь, з новогорожаны и литвою смЂло на них з великим окриком 76А ударил, бо видЂл хлопов без военной справы. Обачивши то полочане, же им потужне неприятель догрЂвает, заразом подали тыл Э, котрых новгорожане и литва били, сЂкли и Ю имали Ю, a Городец под замком, где его были поткали, спалили, и, кончачи звитязство того дня до Полотцка Я 77 притягнули А. Що видячи стривоженое 77 А посполство отворили мЂские и замку Полоцкого ворота, поддаючися Б ему доброволне. A так Микгайло перший з княжат литовских княжатем полоцким и новгородским, скромивши их гордость зостал. A потым, выконавши на обоем ББ 78 панст†вЂк щаслывый 79, в старости великой умер В, зоставивши по собЂ на обоих Г 80 князствах Д 81 двох сынов, Скирмонта и Гинвила.
Року 1268. Скирмонт и Гинвил, учинивши погреб обычаем поганским отцу своему князю Мекгалови 82, усыпали костем его курган великий недалеко Новгородка. Скирмонт, яко старший сын, сЂл на отцевской столици 83 в Новгородку Е князства Руского и Литовского по Вилии рецЂ, a Гинвил, яко молодший, Полоцкое князство взял з удЂлу, на котром пануючи сщасливе, понял в стан 84 малженский Марию, дочку великого князя Бориса тверскаго, для котрой окрестился в рускую вЂру Ж, и дано ему имя на крещении Георгий. Той найперший князь з Литвы зостал христианином, зс 84А псковяны и з смоляны воевал ся долго o граници 85 прилеглые, a потом в недолъгом 86 вЂку лЂт своих умерл 87—88.
